Годишна Соларна Конференција 14.12.2023

Годишна Соларна Конференција 14.12.2023

Македонската Соларна Асоцијација – Солар Македонија, го спроведува проектот „Solar Energy Skills Boost” кој е имплементиран од страна на Консалтинг за стратешки развој во рамки на проектот „Активност за јакнење на деловниот екосистем“ финансиран од УСАИД.

Пандемијата КОВИД-19 и енергетската криза што потоа резултираше имаа значително влијание врз соларната индустрија, што доведе до голем број предизвици што влијаеја на квалитетот на инсталациите на соларните централи. Бидејќи Солар Македонија препозна дека квалитетно изработените сончеви системи можат значително да ја зголемат работата на компаниите, главната цел на овој проект е воведување на експертиза и професионалност во секторот за сончева енергија.

За таа цел, како дел од проектот, Солар Македонија ја организира Годишната Соларна Конференција која ќе се одржи на 14 декември 2023 год. во хотел „Александар Палас“ – Скопје. Годишната Соларна Конференција е место на кое се споделуваат најефикасни решенија, искуства, стратегии и иновативни трендови. На конференцијата ќе бидат опфатени низа теми кои се релевантни за соларната индустрија за тековниот период во регионот, а истите ќе бидат претставени и дискутирани од врвни експерти од овој сектор. Врз основа на присуството на настанот на инсталатерски компании, производители, трговци на соларна опрема, претставници на финансискиот систем и сл., ќе се обезбеди меѓусебно вмрежување и зголемена соработка помеѓу сите засегнати страни од секторот.

Пријавувањето може да се изврши со пополнување на прашалникот на следниот линк: линк до прашалникот

Views: 87

Sharing is caring!