Годишен „СОЛАРЕН САЕМ – МАКСОЛ ЕКСПО 2026“

Македонската Соларна Асоцијација, по големиот успех на претходните три излагања, го организира четвртиот Годишен „СОЛАРЕН САЕМ – МАКСОЛ ЕКСПО“ од отворен тип. Настанот ќе се одржи од 04 до 07 јуни 2026 година во Скопје Сити Мол.

Саемот е наменет за сите заинтересирани граѓани и приватни инвеститори, кои ќе имаат можност да се запознаат со најновата соларна технологија и опрема. За членките на асоцијацијата излагањето е субвенционирано. Како изгледаше минатата година, можете да погледнете во албумот.

Што ќе се случува на настанот

• Едукативни предавања за достапни субвенции, поволни кредитни линии, потребни информации пред барање понуда и технички услови за инсталација.
• Практични совети за избор на соодветна опрема и неопходни податоци пред пристапување кон компании од соларниот сектор.
• Вмрежување меѓу членките на асоцијацијата, која брои над 100 домашни и интернационални компании – производители, трговци, проектанти, монтажери, експерти и инвеститори.
• Изложба на најнови производи и трендови од страна на нашите компании-членки, достапни за домаќинства, инвеститори, проектанти и монтажери.