Кошничка
ПОКАНА И НАЈНОВИ ИНФОРМАЦИИ ЗА ЧЕТВРТА ГОДИШНА СОЛАРНА КОНФЕРЕНЦИЈА 24.09.2025
Почитувани,
Македонската Соларна Асоцијација – Солар Македонија во изминатиот период воспостави значајна соработка со неколку бизнис здруженија од земјата, во кои членуваат домашни и странски компании. Целта е да се поттикне поефикасно поврзување и да се одговори на актуелните потреби на енергетскиот пазар во Северна Македонија.
Овогодинешното издание на настанот, покрај присуството на производители, трговци, проектанти и изведувачи, ќе биде збогатено и со учество на реномирани бизнис здруженија како што се:
-
Македонско-Холандската стопанска комора (NL Chamber Macedonia),
-
Македонско-Словенечкиот бизнис клуб (Macedonian-Slovenian Business club)
-
Чешко-Македонската стопанска асоцијација (Czech Macedonian Association of Commerce – CMAC).
Ова претставува одлична можност за вмрежување, размена на искуства и создавање нови партнерства.
Во насока на зголемена промоција на самиот настан, склучивме договор за медиумска поддршка со реномираниот европски магазин PV Europe. Продолжуваме активно да најавуваме нови соработки, насочени кон поврзување на нашите членки и поддршка на бизнисите во имплементирањето на напредни енергетски решенија. Овие решенија вклучуваат:
-
системи за греење и ладење,
-
фотоволтаични и соларно-термални технологии,
-
батериско складирање и други иновативни технологии,
со цел унапредување на енергетската независност и глобалната конкурентност на македонските компании.
Дополнително, со задоволство го најавуваме претставувањето на субвенционираната услуга „Бизнис Дијагностика“, развиена преку Швајцарскиот проект за модернизација, имплементиран од Swisscontact. Целта на проектот е да ги поддржи домашните компании во процесот на модернизација, преку зголемување на продуктивноста, поттикнување на зелена трансформација и создавање достоинствени работни места.
На самиот настан ќе биде најавена и соработката со ENERGY KEY EXPO и Intersolar за 2026 година.
Компаниите-членки веќе се пријавуваат за учество преку комерцијални презентации, инфо пултови и други форми на соработка, со цел ефективно претставување на нивните производи и услуги пред поширока публика.
За повеќе информации и учество, ве охрабруваме да се обратите на:
📧 stefan.trajkov@solar.org.mk
Со почит,
Тимот на Македонската Соларна Асоцијација – Солар Македонија
https://docs.google.com/forms/d/e/1FAIpQLSfBouaWokqK67HRE_ZeIQIWsllprkfgYf9WjpkI8BkIBHOwCA/viewform?fbclid=IwY2xjawLIpM1leHRuA2FlbQIxMABicmlkETFKV2dWSzE5OEZDM1JXYWhUAR7NN9EbthlfMv7bpizUMOFF8ds_hpAUn-OrccLsC3AeBGmFqlEpYCXjTz3ITg_aem_S-yiUhBSdlyP00f__UZ5KQ